MISDAADTONEEL: George, Suid-Kaap: Ses mans van Tembalethu in George gaan nie weer gou die Tuinroete se asemrowende uitsig geniet nie.

Lede van die Suid-Afrikaanse Polisiediens (SAPD) se Tuinroete-misdaadbestrydingspan het die ses in Tembalethu, Goerge gearresteer tydens ‘n anti-misdaadoperasie op Dinsdag, 28 April 2026.

Dit volg nadat die polisie inligting oor ‘n versteekte vuurwapen by ‘n woning in Nelson Mandela Boulevard, Sone 06, Thembalethu ontvang en die perseel deursoek het.

Die polisie het die perseel deursoek en ‘n 9mm-pistool en 15 rondtes ammunisie gevind. Hulle het die items gekonfiskeer en die verdagtes, tussen die ouderdomme van 27-en 35-jaar, gearresteer..