MISDAADTONEEL: Langrug, Franschhoek: Speurders van die provinsiale eenheid vir ernstige geweldsmisdaad ondersoek twee aanklagte van moord na ‘n skietery by ‘n spaza-winkel hier.

Konstabel Ndakhe Gwala, ‘n skakelbeampte vir die Wes-Kaapse polisie, sê die voorval het Maandagaand, 13 Julie 2026 in Lavender-straat, Langrug, plaasgevind.

“Franschhoek-polisie het omstreeks 19:30 op berigte van ‘n skietery gereageer en met hul aankoms het hulle twee volwasse mans gevind wat skietwonde opgedoen het. Hulle is na ‘n mediese fasiliteit vervoer vir behandeling, maar het dit nie gemaak nie.

“Afpersing blyk die motief vir die skietery te wees en geen verdagtes gearresteer nie. Enigiemand met inligting oor die voorval word vriendelik versoek om die tolvrye nommer vir afpersing by 0800 31 44 44 te kontak,” het Gwala gesê.