MISDAADTONEEL: Malmesbury, Swartland: Die Suid-Afrikaanse Polisiediens (SAPD) het twee tieners met onwettige vuurwapens gearresteer.

Volgens die SAPD is die Anti-Ekonomiese Misdaad- en Vervalste en Onwettige Goedere Polisiëring-spanne in Malmesbury ontplooi ná ‘n massa-skietery Sondag, 12 Julie 2026 waarin twee mense dood en agt ernstig beseer is.

Terwyl die polisie Woensdag, 15 Julie 2026 patrollies gedoen het, het hulle twee manlike persone van 16 en 17-jaar-oud in die straat opgemerk.

“Die verdagtes is deursoek en twee vuurwapens met reeksnommers wat verwyder is, is teruggevind. Een vuurwapen was gelaai met nege rondtes ammunisie en die ander met agt rondtes.

“Albei verdagtes is gearresteer vir die besit van verbode vuurwapens en die onwettige besit van ammunisie,” het die SAPD gesê.