MISDAADTONEEL: Viking Park, Kaapstad: Twee mans is Vrydagoggend, 3 Julie 2026 koelbloedig by die Viking Park- sentrum doodgeskiet, een binne ‘n haarkapper se winkel.

Volgens ‘n skakelbeampte vir die Wes-Kaapse polisie, kaptein FC van Wyk, het die polisie ‘n moordsaak geopen na ‘n skietvoorval om 10:45 by ‘n haarkapperswinkel in Viking Park, Elsies Rivier.

“’n 31-jarige man is in die haarkapperswinkel doodgeskiet. Ná hierdie voorval is ‘n nog man op die veld oorkant Viking Park, rigting Ruyterwacht, doodgeskiet. ‘n Derde persoon het van die toneel gevlug en dit is onbekend of hy beserings opgedoen het.

“Die motief vir beide skietvoorvalle vorm deel van polisie-ondersoeke,” het Van Wyk gesê.

Enigiemand met inligting oor die voorvalle word versoek om Stop Misdaad by 08600 10111 te bel.