MISDAADTONEEL: Mitchells Plain, Kaapstad: ‘n Man is vroeg Vrydagoggend, 7 Augustus 2026 in Tafelsig in ‘n koeëlreën dood.

Konstabel Ndakhe Gwala, ‘n skakelbeampte vir die Wes-Kaapse polisie, sê die Mitchells Plain-polisie het omstreeks 4:20 op ‘n skietery in Ruwenzori-straat, Tafelsig, gereageer.

“Met hul aankoms het hulle op die liggaam van ‘n 42-jarige man met veelvuldige skietwonde aan die kop afgekom. Hy is op die toneel deur mediese personeel dood verklaar.

“Die polisie het ‘n saak van moord geopen en geen arrestasies is nog op hierdie stadium gemaak nie,” het Gwala gesê.