Twee spring die dood vry
Mans op pad winkel toe geskiet
MISDAADTONEEL: Mitchells Plain, Kaapstad: Twee mans wat winkel toe gestap het in Tafelsig, het amper met hulle lewens geboet.
Volgens ‘n media skakelbeampte vir die Wes-Kaapse polisie, kaptein FC van Wyk, is die twee slagoffers Vrydag, 29 Mei 2026 om 20:00 deur ‘n onbekende man geskiet.
“Mitchells Plain SAPD-lede het ‘n klag ontvang van ‘n skietvoorval naby ‘n bushalte in Kilimanjaro-straat. Met hul aankoms het hulle twee slagoffers gevind, ‘n 28-jarige man met ‘n skietwond aan sy agterstewe en ‘n 26-jarige man met ‘n skietwond aan die rug.
“Volgens berigte was die slagoffers op pad na ‘n winkel toe ‘n verdagte twee skote op hulle afgevuur het. Hulle is na nabygeleë hospitale vervoer vir behandeling. Mitchells Plain-polisie het twee aanklagte van poging tot moord geregistreer.
“Die motief is vermoedelik bendeverwant,” het Van Wyk gesê.
Related News
Police find assault rifles, pistols
CRIME SCENE: Hillview, Cape Town: The police arrested three suspects on Thursday, 16 July 2026Read More
Vier vas vir Franschhoek moorde
MISDAADTONEEL: Langrug, Franschhoek: Die Suid-Afrikaanse Polisiediens (SAPD) het vier verdagtes gearresteer ná ‘n noodlottige skieteryRead More