MISDAADTONEEL: Lavender Hill, Kaapstad: ‘n Man is Woensdagmiddag, 15 Julie 2026 verskeie kere geskiet en op die toneel dood verklaar.

Thembakazi Mpendukana, ‘n skakelbeampte vir die Wes-Kaapse polisie, sê die Steenberg-polisie het ‘n moordsaak geopen na die voorval wat omstreeks 12:20 in Fawley-hof, Lavender Hill, plaasgevind het.

“Die polisie het ‘n 28-jarige manlike slagoffer op die grond gevind met skietwonde aan sy bolyf. Hy is deur mediese personeel op die toneel dood verklaar.

“Speurders ondersoek die omstandighede rondom die voorval en geen arrestasie is nog gemaak nie,” het Mpendukana gesê.