MISDAADTONEEL: Eersterivier, Kaapstad: ‘n 16-jarige seun is gearresteer nadat hy na bewering in besit van ‘n onwettige vuurwapen gevind is.

Volgens die Suid-Afrikaanse Polisiediens (SAPD) is die seun Sondag, 1 November 2026, tydens ‘n intelligensiegedrewe operasie deur lede van Operasie Prosper in Bordeaux-straat, Heather Park, gearresteer.

“’n Deeglike deursoeking het gelei tot die ontdekking van ’n verbode vuurwapen. Die tiener is gearresteer vir die besit van die verbode vuurwapen.

“Die operasie is in Masop-straat, Heather Park voortgesit, waar die lede ’n vuurwapen en 44 rondes ammunisie by ‘n huis gevind het. Die 33-jarige manlike bewoner van die perseel is gearresteer vir die besit van ‘n verbode vuurwapen en die onwettige besit van ammunisie,” het die SAPD gesê.

BONTEHEUWEL: Lede verbonde aan die Anti-Bende-eenheid (AGU) het ‘n 23-jarige man gearresteer vir die besit van ‘n ongelisensieerde vuurwapen en ammunisie ná ‘n stop-en-deursoek-operasie in Avocardo-straat, Bonteheuwel.