MISDAADTONEEL: Maitland, Kaapstad: Die liggame van twee mans met skietwonde aan die koppe is langs die spoorlyn by ‘n plakkerskamp in Maitland gevind.

Dié grusame ontdekking is Vrydagoggend, 5 Junie gemaak.

Volgens Thembakazi Mpendukana van die Wes-Kaapse polisie se mediakantoor is die liggame van die twee mans op die spoorlyn langs die Oya-informele nedersetting ontdek.

“Twee moordsake is by die Maitland-polisiestasie aanhangig gemaak na die ontdekking van twee liggame met skietwonde aan hul koppe. Die motief is tans onbekend en die omstandighede rondom die voorval word ondersoek,” het Mpendukana gesê.