DIE Suid-Afrikaanse Polisiediens (SAPD) het ‘n geregtelike doodsondersoek begin nadat ‘n man se liggaam langs die see in Strand gevind is.

Die gru-ontdekking is omstreeks 10:00 op Donderdag, 23 Julie 2026 by die opgraderingsterrein vir die Seewal in Strand-weg gemaak.

‘n Skakelbeampte vir die Wes-Kaapse polisie, lkaptein FC van Wyk, het gesê die Strand-polisie het ‘n geregtelike doodsondersoek geregistreer na die ontdekking van die liggaam van ‘n onbekende man op die strand.

‘n Nadoodse ondersoek sal uitgevoer word om die oorsaak van dood te bepaal.