Hardloop maar, ons gaan jou vang

Dit was die storie op 23 April 2026 vir ‘n 22-jarige nadat hy probeer het om die polisie te ontduik met ‘n vuurwapen in sy hand.

Die man het met die vuurwapen in sy hand gestaan ​​toe hy deur die Steenberg-polisielede in Parkin hof, Lavender Hill, omstreeks 23:30, gewaar is.

Hy het probeer weghardloop, maar is uiteindelik deur die lede gevang en gearresteer.

In ‘n aparte voorval het Makhaza-polisielede op dieselfde dag omstreeks 21:00 ‘n blou VW City Golf op die hoek van Gqolomba en Hlanga Crescent  opgemerk.

Die lede het stilgehou en die motor deursoek. Vyf mans tussen 25 en 32-jaar-oud wat in die voertuig was, is gearresteer vir die besit vam twee verbode vuurwapens met ammunisie.