Mitchells Plain misdaad
Man met onwettige vuurwapen in Woodlands gevang
Polisie-operasie bring sukses
MISDAADTONEEL: Woodlands, Kaapstad: Die polisie se voortdurende operasies teen misdaad in Mitchells Plain het hierdie week vrugte afgewerp toe hulle ‘n 25-jarige man gearresteer het vir die besit van ‘n ongelisensieerde vuurwapen en ammunisie.
Volgens die polisie het hulle ‘n verdagte man in Wattcourt-straat, Woodlands, opmerk. Toe hulle hom nader, het hy probeer weghardloop, maar is vasgekeer en gearresteer.
Die polisie het gesê die beamptes het hom deursoek en op ‘n vuurwapen met 30 rondtes ammunisie afgekom.
In ‘n afsonderlike voorval is ‘n 29-jarige man in Ryan-weg Mandalay, gearresteer vir die besit van dwelms. Die arrestasie het gevolg toe die polisie 10 Mandrax-tablette en 27 sakkies Tik in sy besit gevind het.
Albei verdagtes sal Woensdag, 28 Oktober 2026, vir die eerste keer in die Mitchells Plain-landdroshof verskyn.
Verdagtes in minibus skiet haarkapper twee keer
Barbier se lewe tragies kortgeknip
MISDAADTONEEL: Mitchells Plain, Kaapstad: ’n Haarkapper se lewe is tragies kortgeknip toe hy in sy winkel in Tafelsig doodgeskiet is.
’n Skakelbeampte van die Wes-Kaapse polisie, konstabel Ndakhe Gwala, het bevestig dat die Mitchells Plain-polisie ’n saak van moord geregistreer het ná die voorval by die haarsalon.
Gwala het gesê die skietery het Dinsdag, 20 Oktober 2026, omstreeks 20:00 in Paulsberg-straat, Tafelsig, plaasgevind.
“Volgens berigte was die oorledene in die haarsalon toe onbekende verdagtes uit ’n minibus-taxi geklim en op hom geskiet het. Hy het twee skietwonde opgedoen en is deur mediese personeel op die toneel dood verklaar.
“Die motief vir die aanval moet nog vasgestel word en niemand is nog gearresteer nie,” het Gwala gesê.
Tiener ook gearresteer vir onwettige pistool
Wapen lei polisie na moord verdagte
MISDAADTONEEL: Mitchells Plain, Kaapstad: Inligting oor ‘n vermeende onwettige vuurwapen het vandeesweek die polisie direk na moord verdagte gelei.
Nadat die inligting oor die vuurwapen op Woensdag 12 Augustus 2026 ontvang is, het die Anti-Bende-Eenheid wat in Lentegeur ontplooi is, na ‘n perseel in Statice Close gegaan.
Volgens die Suid-Afrikaanse Polisiediens (SAPD) het die lede ‘n harde slag agter die huis gehoor.
Hulle het toe opgemerk hoe die verdagte probeer om van ‘n vuurwapen ontslae te raak, maar die polisie het hom ingehaal en ‘n NP42 9mm-pistool met agt 9mm-patrone gekonfiskeer.
“’n 18-jarige verdagte is in hegtenis geneem vir die besit van ’n ongelisensieerde vuurwapen en die onwettige besit van ammunisie. ’n Verdere deursoeking is by die perseel gedoen, waar die lede op ’n groep mans afgekom het wat aan ’n plaaslike bende behoort.
“Een van hulle, ’n 26-jarige man, is gearresteer vir ’n moord- en poging tot moord-saak wat in Julie 2026 by die by die Mitchells Plain-polisiekantoor geregistreer is,” het die SAPD gesê.
Darling: ’n 41-jarige man is vroeg Donderdagoggend, 13 Augustus 2026 gearresteer vir die besit van ’n ongelisensieerde vuurwapen en die onwettige besit van ammunisie.
Die Darling-polisie was omstreeks 2:50 besig met patrollies toe hulle inligting ontvang het oor ’n vuurwapen by ’n perseel in Amande-singel.
“Hulle het die inligting onmiddellik opgevolg en die perseel deursoek waar hulle ’n 6.35-pistool en ses 6.35-patrone gekonfiskeer het.
“Die verdagte is gearresteer en word by die Darling-polisiestasie aangehou,” het die SAPD gesê.