MISDAADTONEEL: St Montague’s Village, Kaapstad: Die Steenberg‑polisie het ’n moordondersoek van stapel gestuur ná ’n noodlottige skietvoorval Woensdag, 7 Oktober 2026.

Die voorval het omstreeks 11:45 in St Bernard-straat, waar ’n 31‑jarige man doodgeskiet is,  plaasgevind.

“Die polisie het op ’n klagte van ’n skietvoorval gereageer en met hul aankoms op die toneel die slagoffer met skietwonde aan sy liggaam aangetref. Die slagoffer is op die toneel dood verklaar deur mediese personeel,” het sersant Wesley Twigg, ’n skakelbeampte van die Wes‑Kaapse polisie, gesê.

Volgens berigte is die slagoffer deur die verdagte genader wat hom geskiet het voordat hy van die toneel gevlug het. Steenberg‑speurders ondersoek tans ’n saak van moord.

Die polisie doen ’n beroep op die publiek om te help. Enigiemand met inligting oor die skietvoorval kan Stop Misdaad bel by 08600 10111 of die MySAPS‑App anoniem gebruik.