MISDAADTONEEL: Worcester, Wes-Kaap: ‘n Skietery hier het gelei tot die arrestasie van twee mense en die ontdekking van drie onwettige vuurwapens.

Die Suid-Afrikaanse Polisiediens (SAPD) se Anti-Bende-Eenheid het Dinsdag, 8 September 2026 ‘n 32-jarige man by ‘n woonstel in Roodewal gearresteer op twee aanklagte van poging tot moord sowel as vuurwapen-verwante klagte .

Die polisie het intelligensie opgevolg na ‘n skietery Maandagaand. 

“Lede van die Anti-Bende-Eenheid het Dinsdag omstreeks 09:30 by die verdagte se huis  opgedaag en dit deursoek, wat gelei het tot die ontdekking van ‘n .38 Special-rewolwer met ses rondtes ammunisie en ‘n tuisgemaakte zip gun wat in die grond begrawe was.

“Hy is gearresteer vir poging tot moord, besit van n ongelisensieerde vuurwapen, besit van ‘n verbode vuurwapen en onwettige besit van ammunisie,” het die SAPD gesê.

Die polisie het toe na ‘n huis in Tambaystraat, Roodewal, gegaan waar hulle ‘n 9 mm-pistool sonder ‘n reeksnommer en agt rondtes ammunisie gevind het. ‘n 32-jarige vrou is hier gearesteer vir besit van ‘n verbode vuurwapen en onwettige besit van ammunisie